Unha aventura das que tentan levar a narración de videoxogos a outro nivel. Unha pequena historia que parece beber do Lynch da época de Blue Velvet ou Twin Peaks onde xiramos arredor da perda, do duelo e do alcoholismo.
Non é que sexa moi complexa como aventura gráfica e todo é demasiado evidente nese senso, pero compénsase cunha perspectiva narrativa que deixa moitas cousas abertas.
A ambientación nun instituto dos 80, por certo, funciona moi ben co apartado gráfico.